பெண்

மண்ணில் பெண்ணாய்ப் பிறந்தவளே உனது

கண்ணில் புதுயுகம் காணுகிறேன் வாழ்வில்

வண்ணம் கூட்டிடும் தேவதையே உந்தன்

எண்ணத்தின் மேன்மையே உனதென் றரிவாய் !

கல்வியைக் களிப்புடன் கற்றுணர்வாய் மேலும்

பல்கலையும் பயின்று பொலிவுறுவாய் பேசும்

சொல்லழகால் களிப்புறும் மாந்தரெலாம் வாழும்

இல்லழகும் கண்டு வியக்கச் செய்வாய் !

தாய்தந்தை பேணுங்கடமை செய்வாய் அன்பால்

வாய்க்கும் கணவன்கை வலிமைகூட்டுவாய் பெற்ற

சேய்க்ட்கும் அன்னையாய் பண்பூட்டுவாய் உன்னை

நோயெதுவும் அண்டாமலுன் நலமும் நாடுவாய் !

எந்திரங்கள் கற்றுத் தேர்ந்திடுவாய் பிணிதீரும்

தந்திரங்கள் பற்பலவும் பயின்றிடுவாய் நாடுவக்கும்

மந்திரியும்  தானாகி  ஒளிர்ந்திடுவாய் வனப்பூட்டும்

சந்திரனைக் கண்டறியக் கலமும் இயக்குவாய் !

பாரதி கண்டநற் புதுமைப்பெண்ணாய் இல்வாழ்வில்

சாரதி யாகவும்நீ வழிநடத்துவாய் காத்திடும்

காரிருள் வண்ணனின் கருணையினால் இயங்கும்

பார்புகழ் வெற்றியை உனதாக்குவாய் !