படகோட்டி

 துறவுக் கோலமது தரித்தன்று தேவியுடன்

அரவமும் துணைவர அன்புகுகன் படகோட்ட

பரந்தபெரு கங்கை நதியைக் கடந்தான்

பிறவிக் கடல்கரை சேர்க்கும் தன்மையான்! 

Made this with the Chillies, Vendaikkai and Avaraikkai from our Terrace Garden. 

 

முதிர்ச்சி

 சூரியக் கதிரினில் ஒளிர்ந்த அற்புதமே

தூரிகை கொண்டு இயற்கை வரைந்த

பேரழகே! புவித்தாய் அன்பால் ஆசையாய்

வாரிக் கொடுத்த வனப்பே! ஓவியமே!

கண்டவர் மகிழும் கண்கவர் வடிவுடன்

வண்டினம் மொய்க்க வளமான தேனீன்றாய்!

கொண்டவர் உவக்க பூமணம் பரப்பி 

பெண்டிர் கூந்தலில் புன்னகை பூத்திருந்தாய்!

மலர்ந்து மகிழ்ந்து மற்றவரை மகிழ்வித்து

உலர்ந்து சருகாகி வற்றிச் சுருங்கி

முதிர்ந்த வேளையிலும் முறுவல் செய்து நீ

உதிர்ந்தும் வனப்பு மாறாத மாயமென்ன!

எண்ணம் முதிர்ந்தால் மூப்புமோர் அழகுதான்! 

வண்ணம் குறைந்து வாட்டம் நிறைந்தாலும்

திண்ணம் மனத்திருக்க வடிவு குறைவதில்லை!

கிண்ணம் இளைத்தாலும் தேன்சுவை தேய்வதில்லை!

மகளிர் தினம்

வளம்தரும் திருமகளின் அருளமுதம் அவள் என்றும்

அளப்பறிய ஞானமுடை கலைமகளின் பிம்பம்

இளமதி தனைச்சூடும் மலைமகள் உருவமவள்

நலம்பல சேர்த்திடும் நிலமகளின் வடிவம்

சேற்றினிலே கால்வைத்து நெற்கதிர் தருவாள் பின்

ஏற்றமுடன் உணவுதந்து பசியாற்றி மகிழ்வாள்

காற்றினிலே செவிசேறும் கீதமிசைத்து குழவியைத்

தேற்றித் தாலாட்டிக் கண்ணயறச் செய்வாள்

கருத்துடன் பயிற்றிடும் ஆசிரியை ஆகிடுவாள்

விருப்பமுடன் பணிசெய்யும் செவிலியும் தானாவாள்

மருத்துவம் பயின்று மக்களின் பிணிதீர்ப்பாள்

வருத்தம் களைந்து வாழ்வளித்து உதவிடுவாள்

திடம்கொண்டு தீமைகளைத் தடுத்திட முனைந்திடுவாள்

திண்மையான மனத்துடன் திறம்பட காவல்செய்வாள்

தீர்ப்புகள் எழுதிட தராசுதனைப் பிடிப்பாள்

தீந்தமிழ் சுவைசொட்டும் தித்திக்கும் கவிபுனைவாள் 

கணினிகள் தமையியக்கி சாதனைகள் செய்திடுவாள்

அணியாம் அன்புகொண்டு வேதனைகள் தீர்த்திடுவாள்

இனிமையாய் இயற்கையாய் இயக்கமும் தானாகி

பணிகள் பலசெய்து பாரகம் உய்யச்செய்வாள்!

 D