பாரதி

முண்டாசுக் கவிஞன் கொண்டாடிய கண்ணனை 

முழுதும் ரசித்துப் பார்-அங்கே முத்தியின் நிலை தெரியும்!

மீசைக் கவிஞன் ஆசையாய் அன்னையை 

பேசு தமிழ் சுவைத்து பார்-அதில் தேசியம் விளங்கிவிடும்! 

            

தீந்தமிழ் சொல் தொடுத்த தீக்கனல் பாரதியின் 

தித்திக்கும் கவிதை பார்-மனதில் திண்மை மிகுந்து விடும்!

            

நேர்கொண்ட பார்வையுடன் சீர்செய்யும் அவன் கவியை 

ஓர் முறை படித்துப் பார்-உள்ளம் ஒருமையுற்று உயர்ந்துவிடும்!

           

 பழகுதமிழ் சொல்லெடுத்து பாவையர் மேன்மை சொன்ன 

அழகொளிரும் ஆண்மை பார்-உலகின் ஆற்றல் பெருக்கெடுக்கும்! 

           

காணும் பொருளிலெலாம் கவித்துவம் பதித்த கலை 

வாணியின் பிம்பம் பார்-உன் வாழ்க்கை முழுமை பெறும்!